कोरोना रूग्णांचा पाडवा केला गोड
पुणे : खराडीतील महानगरपालिकेच्या कोविड सेंटर मधील रूग्णांना साजुक तुपातली पुरणपोळी आणि आमरसाचं जेवण देऊन त्यांचा पाडवा गोड करण्यात आला.
हा उपक्रम नवउद्योजक वेदांत शिंदे आणि साहील शिरसाठ यांनी राबविला. खराडी, चंदननगर भागात गेल्या काहीं दिवसापासून शहराच्या तुनलेत कोरोनाबाधित रुग्णांची संख्या मोठ्या प्रमाणात वाढू लागली आहे. त्यामुळे या परिसरात भीतीचे वातावरणात पसरले आहे. लोकप्रतिनिधी आणि सामाजिक कार्यकर्त्यांच्या मागणीनुसार पुन्हा खराडीतील रक्षक नगर येथील जलतरण तलावातील कोविड सेंटर सुरू करण्यात आले आहे. घरातील व्यक्ती कोरोना बाधित असल्याने पाडवा आनंदाने साजरा कसा करावा. असा प्रश्न रुग्णांच्या नातेवाईकांना पडला. मात्र या तरुणांनी पुढे येत तुम्ही घरी आनंदाने पाडवा साजरा करा. तुमच्या कोरोना बाधित व्यक्तींला देखील पाडव्याच्या गोडवा पुरणपोळीनी साजरा करता येईल. असे सांगत त्यांनी पुढाकार घेऊन कोरोना बधितांचा पाडावा गोड केला.
कोविडमध्ये संपुर्ण देश राज्य आणि विशेषत: पुणेकर होरपळून निघाले आहेत. बेडसचा औषधांचा तुटवड्याने हैरान असताना नववर्षाच्या पहिल्या सणाला सुद्धा अनेकजण कोविड सेंटर मध्ये दाखल झाले आहेत. तसेच इतर गरीब परिवार व मजुरांनाही यावेळी पुरणपोळीचं जेवन देण्यात आलं. असे शिंदे यांनी सांगितले.