नवी दिल्ली- कोरेना संसर्गाच्या प्रकरणांचे प्रमाण कमी करण्यासाठी जगभरात विविध मार्गदर्शक सूचना पाळल्या जात आहेत. परंतु आता सरकार हळूहळू सार्वजनिक जीवन सामान्य करण्याचा प्रयत्न करीत आहे. त्यानंतर काही शाळांनी ऑफलाइन वर्ग सुरू केले आहेत, तर काही शाळांनी वार्षिक परीक्षांची घोषणाही केली आहे. एकीकडे केंद्रीय माध्यमिक शिक्षण मंडळाने (सीबीएसई) मान्यताप्राप्त सर्व शाळांमध्ये ४ मे ते ७ जून या कालावधीत दहावीच्या आणि बारावीच्या बोर्ड परीक्षा आणि ४ मे ते ११ जून या कालावधीत घेतल्या जातील. दुसरीकडे, राज्यांनीही एप्रिल, मे आणि जूनमध्ये या परीक्षा घेण्याचे निश्चित केले आहे. आज आम्ही तुम्हाला अशाच 6 राज्यात घेण्यात येणाऱ्या दहावी आणि बारावीच्या बोर्ड परीक्षांबद्दल सांगणार आहोत. चला तर मग जाणून घेऊया याबद्दल सविस्तर….
उत्तर प्रदेशः २४ एप्रिल २०२१ पासून राज्यातील सर्व शाळांमध्ये दहावी आणि बारावीच्या बोर्ड परीक्षा घेण्यात येणार आहेत. दहावीची परीक्षा १० मे रोजी संपेल, तर बारावीची परीक्षा १२ मे रोजी संपेल. उत्तर प्रदेश माध्यमिक शिक्षण परिषदेने नुकतीच ही घोषणा केली होती.
हरियाणा: बोर्ड ऑफ स्कूल एज्युकेशनने (बीएसईएस) २० एप्रिलपासून दहावी आणि बारावीच्या परीक्षा घेण्याच्या सूचना दिल्या आहेत. दोन्ही वर्गातील बोर्ड परीक्षा ३१ मे पर्यंत चालतील. बोर्डाच्या परीक्षेपूर्वी व्यावहारिक परीक्षा घेतल्या जातील.
जम्मू-काश्मीरः बोर्ड ऑफ स्कूल एज्युकेशन नुसार दहावी बोर्ड परीक्षा ३ ते २४ एप्रिल दरम्यान घेण्यात येणार आहे, तर बारावीसाठी या परीक्षा १ ते २९ एप्रिल दरम्यान घेण्यात येतील.
उत्तराखंडः बोर्ड ऑफ स्कूल एज्युकेशन उत्तराखंड (यूबीएसई) द्वारा घेण्यात आलेल्या दहावी आणि बारावीच्या बोर्ड परीक्षा ४ ते २२ मे दरम्यान दोन शिफ्टमध्ये घेण्यात येणार आहेत. दहावीच्या विद्यार्थ्यांसाठी या परीक्षा सकाळी ८ ते ११ या वेळेत घेण्यात येतील. त्याचबरोबर ही परीक्षा १२ वीच्या विद्यार्थ्यांसाठी दुपारी २ ते सायंकाळी ५ या वेळेत घेण्यात येणार आहे.
हिमाचल प्रदेशः हिमाचल प्रदेश माध्यमिक शिक्षण बोर्डामार्फत १३ ते २६ एप्रिल दरम्यान दहावीच्या परीक्षा घेण्यात येतील. इयत्ता १२ वी च्या परीक्षेसाठी तारीख १३ एप्रिल ते १० मे पर्यंत निश्चित केली आहे.
गोवा: राज्य माध्यमिक व उच्च माध्यमिक शिक्षण मंडळाने जाहीर केले आहे की, वरिष्ठ शाळा प्रमाणपत्रांच्या व्यावहारिक परीक्षा ५ ते ३० एप्रिल दरम्यान घेण्यात येतील. त्याच वेळी, लेखी परीक्षा १३ ते ३१ मे दरम्यान असेल. आता उच्च माध्यमिक शालेय प्रमाणपत्राच्या व्यावहारिक परीक्षेबद्दल बोलायचे म्हणले तर, त्यानंतर ती १ ते २४ एप्रिल दरम्यान घेण्यात येईल.
